विषय विज्ञप्ती

 प्रेस विज्ञप्ति 

    

     

       प्रीय विद्यार्थीसाथिहरू, अविभावकज्युहरू 

सहयोदा कमरेडहरु सम्पुर्णमा अभिवादन!

म उच्च शिक्षा हासिंल गर्नका लागि देशको राजधानी आँए । राजधानीमा अध्ययन गर्दा हाम्रो राज्यले ज्ञान पनि किनबेच गरिरहेको देखे । म राम्रो शिक्षा दीक्षा लिएर देश र जनताको सेवा गर्न चाहान्थे । के गर्ने यहाँ त राज्यले पनि विद्यार्थीको दर्जा तोकेको रहेछ । दर्जा अनुसारको शिक्षा प्रणाली रहेछ । पढ्ने ठाउँ पनि छुट्टै । हुनेखाने र हुँदा खानेले पढ्ने फरक फरक । यस्तो बिभेदकारी राज्यको नीति देख्दा मलाई लाग्यो अब त्यस्तो शिक्षा प्रणालिका विरुद्ध लाग्नुपर्छ र सबैमा समान शिक्षा प्रणालीको स्थापना गर्नुपर्छ भनेर अखिल(क्रान्तिकारी) मा आवद्ध भए । यो नेपाल कम्युनिस्ट पार्टी समर्थित   जनगणतान्त्रिक सम्पर्क मन्च थियो । तर यो पार्टी अहिले बिभाजन हुन पुगेको छ । 

हामीलाई थाहा छ । जनताका मुद्धाको, वर्गिय विभेदको समाधान कम्युनिस्ट हरूले नै गर्न सक्छन् । तर नेपालका कम्युनिस्टहरूमा आफ्नो स्वार्थ, निजि सम्पती र निजिकरणका लागि नै मरिहत्ते गर्ने रोग देखियो । उनिहरूले यो आन्दोलनलाई आफ्ना नाता गोता र भाइ भतिजाहरूको भर्तीकेन्द्र मात्रै बनाए । जुन हामी युवाहरूका लागि निकै दु:खद छ । अब पछि बनेका पार्टीहरूले आन्दोलनको नेतृत्व गर्ने कुनै आधार मैले देख्न सकेन । अहिलेका नामधारी विद्यार्थी संगठनहरू स्वर्थहरूको समूह मात्रै हुन भन्ने कुरा प्रष्ट नै छ । 

    आन्दोलनलाई अगाडी बढाउने जिम्मा हामी युवाहरूको काँधमा आईपुगेको छ । त्यसैले नेपाली विद्यार्थीहरूका हकहितका लागि लड्न  हामी क्रान्तिकारी विद्यार्थी आन्दोलनमा लामबद्ध भएको व्याहोरा जानकारी गराउन चाहन्छौं । 

नेपालको वाम र कम्युनिस्ट आन्दोलनलाई पुनर्जागृत गर्न युवाहरूको आन्दोलन र अभियान निर्माण गर्न सदा तत्पर रहनेछु । साथै क्रान्तिकारी विद्यार्थी आन्दोलन(Revolutionary Student's  Movement RSM) मा गोलवद्ध हुन  सम्पुर्ण युवा विद्यार्थीहरुलाई आह्वान समेत गर्दछु।

धन्यवाद सहित लालसलाम !!

सरस्वती परियार 

नेपाल कम्नियुस्ट पार्टी जनगणतान्त्रिक सम्पर्क मन्च !!